Претседателката на Уставниот суд Елена Гошева тврди дека судиите работат независно без притисоци од политичките партии, а работењето на Судот го оценува како успешно.
Гошева на прес-конференцијата посветена на годишниот извештај на Уставниот суд, не сакаше да одговори дали судиите се договараат со некого како ќе гласаат на седница, потенцирајќи дека постоењето издвоени мислења на судии, кои не се согласуваат со одлуката на Судот по одредени иницијативи е право на секој судија.
„На вакви прашања не можам да одговорам. Како може да се договараат кога на седница се гласа јавно.“
Вие кажете како мислите дека е Судот. Судот е независен, Судот си одлучува според личното убедување на судиите на денот на седницата и немам што да ви кажувам на такви прашања.“
Судијката Наташа Габер Дамјановска за дел од случаите објавува свои издвоени мислења за одлуки со кои не се согласува со решението што го донел Уставниот суд. Досега имала напишано повеќе од десет издвоени мислења. Габер Дамјановска вели дека не чувствува никаков притисок во својата работа.
„Јас си се држам на мојата заклетва што ја дадов пред граѓаните на Република Македонија и пред Собранието дека одговорно и совесно ќе ја вршам својата функција и ќе го почитувам Уставот и законите. Во последно време зачестија таквите мои издвоени мислења, тоа вие убаво го знаете, но конкретно врз себе не сум почувствувала притисок.“
Од уставен не сакаат да ги коментираат ниту лошите законски решенија .
повеќе на РСЕ