Уставен потврди, доставена е иницијатива за оценување на уставноста на Законот за специјалното обвинителство

Уставниот суд за локално.мк потврди дека до него е доставена иницијатива оценување на уставноста на Законот за јавно обвинителство за гонење на кривични дела поврзани и кои произлегуваат од содржината на незаконското следење на комуникациите. Во дописот на Уставниот суд се вели:

“До Уставниот суд на Република Македонија на 25 септември 2015 година од Адвокат Томе Тодоровски од Свети Николе е доставена иницијатива за оценување на уставноста на Законот за јавно обвинителство за гонење на кривични дела поврзани и кои произлегуваат од содржината на незаконското следење на комуникациите.”

Засега од таму  не информираат за кога би била закажана седницата за оценка на уставноста на законот.