Утре без капка вода: Овие скопски улици остануваат суви поради интервенција

Жителите на дел од улиците „Борка Талевски“, „Никола Тримпаре“ и „Дебарца“ во скопската општина Карпош утре ќе останат без вода поради технички зафати на мрежата.

Од Центарот за управување со кризи информираат дека причината за прекинот е изведба на нов водоводен приклучок со профил од 80 милиметри на улицата „Борка Талевски“ број 3.

Прекинот во снабдувањето со вода ќе започне во 8:30 часот наутро и ќе трае сè додека не заврши интервенцијата на терен.

Граѓаните од засегнатите улици се замолуваат за разбирање и навремено прилагодување на своите дневни обврски.