Утрово се изврши вонредното прскање против комарци во Скопје

Град Скопје утрово го започна вонредното прскање против комарци во Скопје.

Градоначалникот на Скопје, Петре Шилегов вчера изјави дека против комарци прскале пред десетина дена и предупреди дека зачестените интервенции се опасни по здравјето на граѓаните.

-Ако прскањето е зачестено, може да го загрози здравјето на граѓаните, што навистина мислам дека треба да се има во предвид. Токму тоа беше причината што имавме пауза од десетина дена – кажа Шилегов.

Со денешното авионско прскање беа опфатени над 10 илјади хектари и 54 жаришта на комарци.