Времето денеска ќе биде сончево и многу топло, информираат од УХМР. Ќе дува слаб до умерен, а наместа повремено засилен ветер од јужен правец. Попладне ќе има локална појава на пороен дожд и грмежи. UV=8.
Минималната температура ќе биде во интервал од 13 до 19, а максималната ќе достигне од 30 до 36 степени.
Во Скопје сончево и многу топло со мала до умерена облачност. Ќе дува слаб до умерен ветер од јужен правец. Попладне во делови од котлината ќе има услови за краткотраен пороен дожд и грмежи.
Температурата ќе се искачи до 35 степени Целзиусови.
Во средината на следната недела температурите ќе се искачат и до 40от степен. Од УХМР предупредуваат на високите температури.
Следниот викенд пак, ќе имаме мал пад на температурите. До среда ќе се задржи сончево и многу топло време со мала до умерена локална облачност.