За во петок во Виена е закажана средба на лидерите на четирите најголеми партии од Македонија. Поканата до партиите формално ја упатиле тројцата европратеници вклучени во постигнувањето и спроведувањето на договорот од Пржино, Иво Вајгл, Едуард Кукан и Ричард Ховит.

Што и кога треба да направи ДИК до 5 јуни според роковникот?

Во Виена е предвидено и присуство на еврокомесарот Јоханес Хан и амбасадорите на ЕУ и на САД во Македонија, Аиво Орав и Џес Бејли.

Од СДСМ потврдија дека ја примиле поканата за лидерската.

Делегацијата на Европската Унија во Скопје  испратила покани до политичките партии за лидерска средба планирана за петок во Виена, потврдија за „Мета“ од делегацијата.

Европратениците Ричард Ховид, Евдард Кукан и Иво Вајгл ги повикале четворицата лидери, потписници на Договорот од Пржино, в петок да се сретнат во Виена. На средбата, според најавите, поканет е и еврокомесарот за проширување Јоханес Хан, како и амбасадорите Џес Бејли и Аиво Орав.

Претходно Европската комисија соопшти дека не може да потврди кога точно ќе се одржи средбата.

– Кога и каде точно ќе се одржи средбата засега не е потврдено. Комесарот Хан е подготвен итно да се сретне со лидерите. Тие мора да покажат подготвеност да ја вратат земјата на евроатланскиот пат – рече портперолката на Европската комисија, Маја Коцијанчич.

Таа додаде дека еврокомесарот е во постојан контакт со политичките лидери, европратениците, Делегацијата на ЕУ во Скопје и со САД, за да се најде решение за политичката криза.