Северна Македонија отсекогаш била цел на хибридни напади, особено дезинформативни кампањи од Русија и нејзините поддржувачи. Така што, мислам дека позицијата за војната во Украина навистина не го промени тоа на кој било начин. Мислам дека тоа дефинитивно беше целта многу порано и ќе биде цел во иднина, вели Џејсон Вајсман, специјален советник за борба против тероризмот во Европскиот парламент во интервју за РСЕ.
Вајсман откри што е целта на Русија на ова поднебје.
-Мислам дека целта е во голема мера да се прошири влијанието. Мислам дека сакаат да го нарушат регионот што е можно повеќе и се обидуваат да го оптоварат толку многу што НАТО и ЕУ не се заинтересирани за негова целосна интеграција. Мислам дека нивните напори да го направат тоа варираат од земја до земја. Но, колку што можам да видам, се чини дека не успеале, барем не толку колку што би се надевале во случаите на Северна Македонија. Тоа е сигурно, тврди Вајсман.
Тој истакнува дека кога Северна Македонија конечно ќе стане членка на ЕУ, ќе има целосен пристап до сајбер алатките на Унијата, кои вклучуваат тимови за брзо реагирање подготвени во случај на различни видови напади.