„Вагнер“ гради шаторски град за своите платеници на 25 километри од украинската граница?

Руската група „Вагнер“ наводно гради шаторски град за сместување на околу илјада платеници на аеродромот Зјабровка, на помалку од 25 километри од украинската граница.

Ваквите тврдења доаѓаат од Украинскиот центар за национален отпор, кој тврди дека кампот ќе се користи за „субверзивни активности“ во регионот Чернихив, област која се уште е под контрола на Украина.

Институтот за проучување на војната наведе дека „Вагнер“ извршил воена обука во близина на Брест, еден од најголемите градови во Белорусија, на еден километар од полската граница.