Вакцината наречена „Комитнати“, произведена од „Фајзер“ и „Бионтек“ и која е препорачана за употреба денес од Европската агенција за лекови (ЕМА), покажува ефикасност од 95 проценти во спречување на инфекција со вирусот „Ковид 19“ кај лица постари од 16 години.
Вакцината се дава во две дози со разлика од 21 ден и не покажала некои сериозни несакани ефекти, според ЕМА.
Во соопштението се нагласува дека Комитетот за лекови за луѓе ја завршил ригорозната проценка на „Комитнати“, заклучувајќи дека „се препорачуваат доволно силни податоци за квалитетот, безбедноста и ефикасноста на вакцината, кои препорачуваат формално условно одобрување за ставање во промет“.
ЕМА соопшти дека околу 44 000 луѓе учествувале во испитувањето на вакцините, од кои половина ja примиле вакцинаta, а половина добиле плацебо. Ефикасноста е пресметана кај повеќе од 36.000 лица постари од 16 години, вклучително и лица постари од 75 години, кои немале знаци на претходна инфекција.
Студијата покажа 95% намалување на бројот на симптоматски случаи на Ковид-19 кај луѓе кои примиле вакцина – осум од 18.198 случаи добиле симптоми на корона, во споредба со луѓе кои примале лажни инјекции – 162 од 18.325 случаи на симптоми на Ковид-19.
Студијата исто така покажала ефикасност од околу 95 проценти кај учесниците со ризик од тежок Ковид-19, вклучувајќи ги и оние со астма, хронично белодробно заболување, дијабетес, висок крвен притисок или индекс на телесна маса над 30
ЕМА наведува дека е задржана високата ефикасност на вакцината и кај половите и кај расните и етничките групи. „Комитни“ се дава во две инјекции во рака, во интервали од најмалку 21 ден, се наведува во соопштението.
Се додава дека најчестите несакани ефекти биле обично лесни или умерени и се подобрува состојбата за неколку дена по вакцинирањето. „Тие вклучуваа болка и оток на местото на инјектирање, замор, главоболка, болки во мускулите и зглобовите, треска“, рече ЕМА.
Заклучено е дека безбедноста и ефикасноста на вакцината ќе продолжи да се следи за време на спроведувањето на вакцинацијата во земјите-членки.
„Нашата темелна проценка значи дека можеме да ги увериме граѓаните на ЕУ во безбедноста и ефикасноста на оваа вакцина и дека ги исполнува потребните стандарди за квалитет“, рече ЕМА.