Капитенот на Холандија Вирџил ван Дaјк направил најмногу прекршоци од кој било учесник на ЕП 2024 досега, покажува статистиката. Дефанзивецот на Ливерпул е фаулиран 12 пати на петте забележани натпревари. За ова доби жолт картон.
Голема е веројатноста Ван Дaјк да го заврши првенството дури и на врвот на оваа негативна ранг-листа, бидејќи играчите веднаш зад него или веќе испаднаа или не е јасно дали воопшто ќе играат.
Со 11 фаули, Германецот Роберт Андрих е на второто место, но тој го заврши учеството откако Бундестимот беше елиминиран. Истото важи и за Адам Церин (Словенија), Ремо Фролер (Швајцарија) и Стефан Пош (Австрија), кои направиле по 10 прекршоци. Со 9 прекршоци е Робен Ле Норман од Шпанија, но е суспендиран за претстојното полуфинале против Франција.
Така реално, се чини дека само капитенот на „ла роха“ Алваро Мората може да го стигне Ван Дајк. Напаѓачот има и 9 прекршоци на своето конто, но изгледа како сигурен стартер за средбата со „петлите“ во вторник.
Ван Дајк и Холанѓаните во среда имаат полуфинале против Англија. Финалето е во недела.
Доброто за Ван Дајк е што според правилата на УЕФА за полуфинале, еден досега добиен жолт картон е поништен. Тоа значи дека и официјално повторно да биде предупреден, капитенот на крајот ќе може да ги извади „лалињата“ во мечот за трофејот во Берлин.