РАФАЕЛ ВАН ДЕР ВААРТ (41) е поранешен играч од средниот ред на Ајакс, ХСВ, Реал, Тотенхем и холандската репрезентација, кој сега е многу интересен како телевизиски коментатор.
Неговите забелешки често се вирални, а таква стана и онаа што ја даде во интервју за Talksport. Се однесува на Златан Ибрахимовиќ и периодот кој Ван дер Варт го помина со Златан во Ајакс.
„Идиот! Беше арогантен. Имав и јас големо его, двајцата бевме млади и напорни. Во еден момент дојде до точка што одбивме да играме заедно. Два дена подоцна Ибрахимовиќ замина во Јувентус. Бев или тој или јас, имав среќа што Јувентус го сакаше, за да останам во клубот од соништата“, изјави Ван дер Варт.
Ван дер Варт со Ајакс го постигна најголемиот успех во кариерата. Двапати беше шампион на Холандија, а еднаш го освои Купот на Холандија и Суперкупот.