Ванеса Брајант го тужи шерифот на Лос Анџелес

од Aleksandar Petrovski

Сопругата на славниот загинат кошаркар Коби Брајант, Ванеса Брајант (38) го тужеше шерифот на Лос Анџелес и неговата полициска станица затоа што и предизвикале огромна емоционална болка и вознемиреност по смртта на нејзиниот сопруг и ќерка.

Имено, Ванеса тврди дека полицајците од оваа област со своите мобилни телефони ги сликале мртвите тела на нејзиниот сопруг Коби и ќерката Џиџи Брајант на местото на загинувањето.

Во тужбата се наведува дека 8 полицајци на шерифот ги извадиле своите мобилни телефони на местото на падот на хеликоптерот и дека ги фотографирале мртвите деца, нивните родители и тренери без ничија дозвола и само заради „свое задоволство“.

Во тужбата се тврди дека фотографиите биле предмет на разговор во канцеларијата на шерифот, како и надвор, а неговите колеги покажале слики, кои немале никаква улога во истрагата, буквално на сите.

Така, еден од полицајците бил во барот и и ги покажал контроверзните фотографии на жената што се обидувал да ја импресионира, а во тој момент ги видел шанкерот и се јавил во одделот за шерифот.

Шерифот потоа се обиде да ја прикрие целата ситуација, но тоа било невозможно. Тој ги убедил своите колеги да ги избришат сликите, но во тужбата се наведува дека тој само се обидувал да ги уништи доказите против неговиот оддел.

– На г-ѓа Брајант и е многу лошо во помислата на странци кои гледаат слики од нејзиниот починат сопруг и ќерка. Ванеса живее во страв дека еден ден таа или нејзините деца ќе се соочат со ужасните слики од нивните најблиски на социјалните мрежи, а тоа е она што сака да го избегне – изјави адвокатот на Ванеса.

loading...

Слични содржини