„Ваш профит – наши животи“ и „Марш за ангелите“ – протести во Кочани

од Vladimir Zorba
17 прегледи

Два одделни граѓански протеста се најавени за денеска во Кочани по трагедијата во дискотеката „Пулс“.

Под називот „Марш за ангелите“ во 12 часот и 5 минути, како симбол на задоцнетата институционална реакција, е закажан протестен марш што го организираат семејствата на починатите во трагичниот пожар. Собирно место е во Паркот на Револуцијата, по што граѓаните ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.

Во писменото известување за овој марш организаторите нагласуваат дека тој не е за лицата од обезбедувањето во дискотеката и граѓаните кои не го прифаќаат таквото укажување не мора да се приклучуваат.

Другиот протестен марш под називот „Ваш профит – наши животи“ е закажан за во 15 часот и 59 минути и ќе има слична маршрута до институциите како и претходниот. Притоа, во најавата што беше објавена на социјалните мрежи, не е наведено кој го организира.

Слични содржини