150
Скопско лето вечерва свечено ќе го отвори специјалниот гостин од Турција, Омер Фарук Текбилек, познат музичар на народни инструменти. 
По повод првиот ден од летото и светскиот ден на музиката со почеток во 19,30 минути, на улица Македонија музички концерт ќе одржи и Градскиот дувачки оркестар под диригентска палка на Хусеин Еминовиќ.
Скопјани, на улица Македонија со почеток во 20 часот ќе можат да ја видат и уметничката инсталација THINK FREEDOM “Мисли слободно” на уметницата Едина Селесковиќ од Босна и Херцеговина.
Граѓаните ќе имаат можност во текот на 40 дена, исполнети со уметност да уживаат во најтоплите денови на летото. Ќе учествуваат повеќе од 900 уменици.
„Градот Скопје е покровител и финансиер на Скопско лето, а организацијата е на Дирекцијата за култура и уметност.
Дел од програмата оваа година ќе се одвива на места кои се од културно и историско значање на Македонија како Старата скопска чаршија, Сули ан, театри, музеи, галерии и други споменици на културата.