Денеска со почеток во 20 часот и 45 минути, во парискиот „Театар Шател“ ќе се одржи доделувањето на најпрестижната индивидуална награда во светот на фудбалот – „Златната топка“ на магазинот „Франс Фудбал“.
Овој 68-ми гала настап е специфичен по тоа што, за прв пат по 2003 година, меѓу номинираните финалисти во изборот за најдобар играч на планетата во претходната година ги нема ниту Лионел Меси, ниту Кристијано Роналдо.
Двајцата заедно имаат 13 „Златни топки“ во собите за трофеи, со тоа што Аргентинецот има три повеќе.
Никој друг не освоил повеќе од три, колку што имаат Мишел Платини, Јохан Кројф и Марко ван Бастен, додека Франц Бекенбауер, Роналдо, Алфредо ди Стефано, Кевин Киген и Карл-Хајнц Румениге имаат повеќе од еден.
Сепак, тука сме за друга работа – кого ќе изберат избраните спортски новинари и уредници од Европа за најдобар од најдобрите во 2024 година?
Ако се суди според коефициентите за кои се одлучиле водечките обложувалници, апсолутен фаворит е Винисиус Жуниор, додека единствен сериозен ривал на ѕвездата на Реал Мадрид е Родри од Манчестер Сити. Никој друг, барем ако ги прашате обложувалниците, нема реални шанси да ја подигне „Златната топка“ – трофеј вреден 13.800 долари.
Минатата сезона Винисиус постигна 24 гола со 11 асистенции за тимот на тренерот Карло Анчелоти, вклучувајќи го и голот во финалето на Лигата на шампионите против Борусија Дортмунд, во кое „кралевите“ ја освоија 15-та титула европски шампионат. Винисиус беше широко признат како најдобар играч во Лигата на шампионите минатата сезона со шест гола и пет асистенции. Ако на тоа се додаде и триумфот во Ла Лига, јасно е зошто 24-годишниот од Сао Гончал важи за апсолутен фаворит.
Родри, рака на срце, имаше можеби уште позначајни успеси, бидејќи на одбраната на титулата шампион на Англија додаде и триумфален поход за злато на ЕП во Германија, што е медал што може да се освои еднаш во четири години.
Коефициенти за добитник на „Златната топка“:
1,40 / Винисиус Јуниор (Реал Мадрид, Бразил)
5.00 / Родри (Манчестер Сити, Шпанија)
21.00 / Џуд Белингем (Реал Мадрид, Англија)
25.00 / Дани Карвахал (Реал Мадрид, Шпанија)
40.00 / Ламин Јамал (Барселона, Шпанија)
50.00 / Лаутаро Мартинез (Интер, Аргентина)
50.00 / Килијан Мбапе (Реал Мадрид, Франција)
50.00 / Ерлинг Халанд (Манчестер Сити, Норвешка)