Вештачката интелигенција е способна да донесе 13 трилиони долари за дополнителна глобална економска активност до 2030 година и нејзиниот придонес кон растот може да се спореди со влијанието на парната машина во минатото, сметаат од институтот за иновации McKinsey Global Institute, по направена симулација.
Технологијата има потенцијал да придонесе за уште еден процент од растот на бруто домашниот производ за уште најмалку една деценија напред, објави CNBC.
Според симулацијата, речиси 70% од компаниите ќе прифатат барем една форма на вештачка интелигенција до 2030 година, а некои ќе имаат корист од целиот спектар на технологија.
Вештачката интелигенција користи големи низи на информации и алгоритми кои го имитираат човековото однесување. Две од најголемите светски економии Кина и САД веќе се натпреваруваат да инвестираат во подобрување на технологијата. Пекинг го додаде во својот петгодишен план за развој, кој ќе стане лидер во оваа област до крајот на следната деценија.
„Без вештачка интелигенција Кина може да се соочи со сериозни тешкотии за постигнување на економски раст во следните години“, смета Јонг Мин Сонг, соработник во McKinsey.
Тој истакна дека продуктивноста на работниците во азиската земја е под глобалниот просек, додека светската економија станува се повеќе и повеќе зависна од потрошувачката.
Сонг очекува вештачката интелигенција да има значајно влијание врз продажбата и маркетингот, што ќе ја зголеми потрошувачката, додека ќе доведе и до забележителни резултати при синџирот на снабдување и производствениот бизнис.
Извештајот на McKinsey го опишува начинот на кој технологијата ќе влијае на светската економија преку повеќе канали, вклучувајќи преку поддршка или зајакнување на човечката продуктивност и проширување на постојните производи и услуги.
Симулацијата покажува дека пошироката примена на технологијата ќе доведе до голем број на корпоративни и социјални трошоци за реструктуирање, откако истовремено ќе влијае негативно на вработувањата, намалувајќи ја потрошувачката.
„Зголемувањето на продуктивноста и растот кај пазарот на трудот е предизвик за сите економии во светот“, смета Такаши Мива, виш економист во Nomura, додавајќи дека слични технологии ќе доведат до зголемување на нееднаквоста кај приходите.
Анализата на McKinsey покажува дека земјите кои се промовираат како лидери во развојот на вештачката интелигенција, би можеле да добијат меѓу 20 и 25% економски бенефиции во споредба со сегашните нивоа, а тоа важи главно за најразвиените држави во моментов, откако придобивките ќе бидат барем половина во пазарите во развој“, рече Сонг, додавајќи: „Иднината зависи од нас“.