Ford Mustang не е автомобил што би го купиле ако имате намера да влечете приколка или „кампер“, иако е целосно способен да го стори тоа со своите моќни мотори.
Меѓутоа, во САД се е можно, а на видеото можете да видите Mustang опремен со модифициран турбодизел како влече рекреативен брод.
На YouTube каналот на Westen Champlin, тој пред извесно време одлучил да го замени моторот на неговиот Ford Mustang, пишува „Јутарњи“.
Не знаеме дали претходно бил опремен со 2,3-литарски четирицилиндричен EcoBoost единица или 5,0-литарски атмосферски V8, но како и да е, на негово место сега е 5,9-литарски турбодизел Cummins со 6 цилиндри.
Овој мотор првично развива 233 КС и речиси 600 Nm, што е доволно за да повлече речиси сè, вклучително и глисер. Овој конкретен Mustang развива уште поголема моќ, бидејќи има некои модификации, а како што можете да видите со голо око, има огромна турбина и без хауба. Не се знае колкава моќ развива со модификациите, веројатно околу 400 КС.
Она што можеме да го видиме и што е посебно е огромен црн чад што излегува од издувот инсталиран како оџак од моторниот простор.
Во претходното видео од каналот, водителот изврши неколку тестови за перформанси и открил дека Ford Mustang Turbodiesel поминал 1/4 милја за 13,2 секунди, што е 0,7 секунди побрзо од Ford Mustang EcoBoost, но исто така и 1,1 секунда побавно од Mustang GT V8.