Авион кој летал од Аликанте во јужна Шпанија кон островот Мајорка влетал во силна бура, која предизвикала непријатни турбуленции.
Некој ја снимал ситуацијата во авионот додека се пробивал низ невремето. Како што може да се слушне на видеото, луѓето врескаат додека силниот ветер го ниша авионот лево-десно.
Според пилотот, авионот бил погоден од ветрови со брзина од околу 100 километри на час. Тие не можеле да слетаат на шпанскиот остров и биле принудени да се вратат во Аликанте.
Делови од Шпанија беа погодени од големо невреме во текот на викендот.
Естела Ортс, танчерка и акробат, објави видео од својот лет на Инстаграм. Таа напишала дека помислила дека тоа е тоа, мислејќи дека нема да излезе жива. Навела дека авионот се тресел и пропаѓал, а луѓето врескале, плачеле и повраќале.