Министерството за одбрана на Велика Британија објави анализа според која Русија губи по еден војник на секои 48 сантиметри освоен простор во Бахмут.
„Во февруари 2022 година, Русија веројатно планираше да го заврши заземањето на целиот регион Донбас во рок од 10-14 дена. Но, во Бахмут, на секои 48 сантиметри добиени, еден од нивните војници е убиен или ранет. Украина се бори“, објавиле од британското Министерство за одбрана.
Во видеото се наведува и дека Русија напреднала приближно 28 километри на овој дел од фронтот и дека од мај 2022 година изгубила околу 60.000 војници во оваа област.
In February 2022, Russia likely planned to complete the capture of the whole of the Donbas region within 10-14 days.
But in Bakhmut, for every 48cm gained, one of its soldiers has been killed or wounded.
Ukraine fights on.pic.twitter.com/6HZMIsi5Os
— Ministry of Defence 🇬🇧 (@DefenceHQ) June 3, 2023
Градот сега е дом на само еден процент од популацијата пред војната. Пред војната, во градот живееле околу 70.000 луѓе.
Според украинскиот Генералштаб, од почетокот на агресијата во февруари 2022 година, Русија изгубила повеќе од 209.000 војници и илјадници парчиња разновидна опрема.