Телевизискиот водител Џими Кимел сака да си прави шегички со ѕвездите, но ете и тие понекогаш му го “возвраќаат ударот”. Овој пат изненадувачка посета на комичарот му направи Бритни Спирс, која го изненади среде ноќ во спалната со секси изглед и 5 полуголи танчери од својата екипа.
Сите тие потанцуваа и се валкаа во чаршафите на Заспаниот Џими, додека неговата сопруга едвај ја задржуваше смеата на крајот на собата. Спирс ја искористи шегата и како реклама, додека целото “шоу” беше под звуците на новото нејзино парче “Make me”.
Непосредно пред да влезе во спалната на Кимел, Бритни шепна пред камерата: “ОК, имаме изненадување за Џими. Ќе го разбудиме и ќе видиме што ќе се случи “.
Сцените се одиграа во средината на неделата во 1:46, а реакцијата на Џими беше повеќе од мирна. Тоа е затоа што не за прв пат му се случува некоја популарна дама да скокне во неговиот кревет среде ноќ. Во април минатата година слично сценарио му скрои Ријана, која фрлаше големо количество долари над главата под звуците на песната “Bitch Better Have My Money”.
https://www.youtube.com/watch?v=Nrvdij8ab-Y
“Изигран во сон повторно. Бритни Спирс и Ријана сигурно работат заедно “, напиша на Твитер Кимел и ги повика фановите да ја гледаат целата изведба во вечерното шоу.