Турските власти покренаа правна постапка против 30 лица поради објава на Твитер со тврдење дека претседателот Реџеп Таип Ердоган починал. Во исто време на социјалните мрежи кружат видеа на кои се гледа како Ердоган тешко се движи, а некои тврдат дека има посериозни здравствени проблеми.
Во соопштението на полицијата се вели дека осомничените се под истрага поради најавите со хаштаг „олмус“, што на турски јазик, грубо се преведува како „мртов е“.
Лицата против кои се води постапката поради спорниот хаштаг би можеле да бидат обвинети за ширење „дезинформации и манипулативна содржина“, како и за навреда на Ердоган, пренесува АП.
Твитовите уследија по зголемените шпекулации за здравствената состојба на Ердоган, проследени со снимки на кои се гледа како турскиот претседател се движи непредвидливо и тешко.
Erdoğan does not look well. https://t.co/WLqR4TT209
— Kyle Orton (@KyleWOrton) November 3, 2021
На најновото видео, се чини дека Ердоган се мачи да оди додека излегува од салата. Тие на социјалните мрежи истакнаа дека турскиот претседател не изгледа добро, а некои бараа и негова оставка.
Ова видео не е единственото, напротив, во претходните месеци се појавија цела серија видеа на кои се гледа дека Ердоган не изгледа најдобро. На видеото од февруари се гледа дека му е потребна помош од сопругата додека се спушта по скалите.
President Erdogan’s director of communications shares video below saying “Assurance to friends fear to foes” though Mr Erdogan is seen merely walking. This follows pix shot recently where his walking skills seemed fragile fueling rumours about his health pic.twitter.com/q1VhmbYHNC
— Selin Girit (@selingirit) November 3, 2021
Друго видео од август покажува како Ердоган се мачи да оди во мавзолејот на основачот на Турција, Мустафа Кемал Ататурк.
За здравјето на Ердоган кружат бројни гласини. Некои извештаи велат дека заборавил на работите и дека се жалел на проблеми со дишењето, дека се чувствувал изгубен и дека повраќа. Според тоа тврдење, Ердоган наводно сега има повеќе лекари околу себе отколку неговиот персонал и ги намалил средбите со новинарите. Тој наводно зема лекови против болки пред јавни настани.
Cumhurbaşkanı Recep Tayyip Erdoğan, Yüksek Askeri Şura Toplantısı öncesi, YAŞ üyeleriyle birlikte Anıtkabir'i ziyaret etti. Erdoğan'ın Aslanlı yolda yürürken zorlanması sosyal medyada gündem oldu. pic.twitter.com/dhhFs8AMgN
— BOLD (@BOLDmedya) August 4, 2021
Од друга страна, владата во Анкара објавува снимки на кои се гледа дека Ердоган е добро здравје, нормално оди, па дури и игра кошарка со министри.