Microsoft покажа демо видео за можностите на својот систем за виртуелна реалност HoloLens, која ќе им овозможи на луѓето да гледаат холографски слики во своите домови. Компанијата има големи амбиции за својата платформа, која се гледа како алтернатива за очилата за виртуелна реалност.
извор: Reuters
За да ги покаже можностите на HoloLens за видео игрите, Microsoft ја создаде играта Project X-Ray. Таа ја претвора просторијата во арената за битка против роботи. Софтверот на HoloLens автоматски го анализира распоредот на мебелот во собата и ги користат информациите за да персонализира не само сликата, но и реакциите на виртуелните противници, кои можат да го користат мебелот за прикривање.
Само играчот кој носи HoloLens, ги гледа холограми. Во случајот Microsoft користи специјална камера, за да ги направи видливи и за публиката, со што ги сугерира можностите на технологијата и во далечна иднина. За сега сепак реалистичните холограми ќе се видливи само во уредот.
Но не треба врска со вашиот смартфон или компјутер. HoloLens располага со целиот потребен хардвер во сопствениот корпус. Од почетокот на следната година Microsoft ќе започне да продава специјална верзија на HoloLens која ќе е само за креатори на апликации и игри. Ќе чини 3.000 долари и ќе е следниот чекор од развојот на платформата пред таа да стане подготвена за масовна распродажба.