(ВИДЕО) Иванов нема став за тоа дали парите од Панорамското треба да се пренаменат за поплавените подрачја

Порталот „Слободна Македонија“ му постави прашање на претседателот Ѓорге Иванов, откако во неделата даде изјава за медиумите во поплавеното Стајковци: Дали би препорачале трошоците за „Панорамското тркало“ да се пренасочат за жртвите од поплавите и за создавање на систем за заштита од идни поплави?

„- Тоа е одлука на Влада, прашањето ќе го упатите до влада. Јас како врховен командант, се што е во моја надлежност досега го преземав и во иднина ќе го преземаме она што е во функција на надлежност на институцијата претседател“, изјави Ѓорге Иванов.