Продолжува потрагата по лавицата во предградието на Берлин, за која се уште не се знае од каде избегала. Иако е снимена на неколку места, полицијата и професионалните трагачи на животни сè уште не успеале да ја фатат, изјави градоначалникот на берлинското предградие Клајнмахн, Михаел Груберт.
Покрај видеата кои се доставени до надлежните, нови сведоци кои тврдат дека го виделе ова диво животно се јавиле и во полиција.
„Потрагата продолжува и денеска во шумата и ќе биде интензивирана, со учество на голем број полицајци и професионални трагачи на животни“, изјави градоначалникот на берлинското предградие Клајнмахн, Михаел Груберт.
Портпаролот на бранденбуршката полиција додаде дека во потрагата ќе се користат и беспилотни летала.
"Lion Queen" (Berlin Edition)#Loewin pic.twitter.com/GbcY7HDiU3
— Mariyam Sofi (@mariyam_sofi) July 21, 2023
Полицијата смета дека првата снимка која е направена со мобилен телефон и трае само неколку секунди е автентична. На видеото се гледа како лавицата нушка нешто меѓу грмушки и дрвја. Во меѓувреме на социјалните мрежи се појавија уште две видеа од лавицата.
Поради дојавите дека е видена на повеќе локации во областа Берлин, а синоќа во близина на јужната граница со Бранденбург, берлинската полиција ја концентрирала потрагата во областа Зелендорф.
These Mzumgus are complete woooos's
1 random lion siting and the whole city is under lockdown and the army out with guns. #BerlinThis lion was sighted in rongai on cctv everyone shrugs tunes in to #maandamano3
It's just a lioness!!! pic.twitter.com/zujElCScgX— info Pap! (@infopap) July 20, 2023
Државниот завод за животна средина на Бранденбург во четвртокот објави дека во државниот регистар има шест сопственици со вкупно 23 лава.
Берлинската полиција во четвртокот ги предупреди граѓаните дека се верува дека лавица е на слобода во југозападните предградија на германската престолнина.