Вејн Руни стана голгетер № 1 во историјата на националниот тим на Англија, откако се запиша од пенал за победата со 2: 0 над Швајцарија и веќе има 50 погодоци за “трите лава”. Тој го надмина досегашниот рекордер во овој поглед Сер Боби Чарлтон, кој постигна 49 гола за Англија.
Кој од двајцата е подобар реализатор? Дали едниот постигнал на послаби тимови или во повеќе натпревари без разлика? Релевантни ли се воопшто слични споредби – тоа е прашање на лична дискреција.
На клубско ниво Руни изгледа е поуспешен со 5 титули, два Купа на Лигата, три Чарити Шилд, една Лига на шампионите и еден трофеј од Светското клубско првенство. Боби Чарлтон е трикратен шампион на Англија, има една ФА Купот, четири Чарити шилд и една титула од КЕШ.
Легендата на англискиот фудбал, сепак има две достигнувања, за какви Руни за моментов може само да сонува – светска титула (1966) и “Златна топка” (1966). Боби Чарлтон има и четири хет-трикови за Англија, нешто што Вејн Руни уште не го постигнал за “трите лава”.