Две лица во воен авион од советската ера се катапултирале непосредно пред да се урне леталото и да се запали за време на аеромитинг во американската сојузна држава Мичиген. За среќа нема повредени, а причината за падот се истражува.
Пилотот и патникот летале со ловецот од советско производство на аеромитингот Thunder over Michigan, јавува Би-Би-Си.
МиГ-23 во кој се наоѓале почнал да паѓа. И пилотот и патникот успеале да се катапултираат и безбедно да слетаат на земја со падобрани.
Превентивно се испратени на преглед во болница.
At an air show in the US state of #Michigan, a Soviet-made MiG-23 fighter crashed. The pilot and the second crew member ejected. pic.twitter.com/fMoP8KsCdG
— NEXTA (@nexta_tv) August 14, 2023
Празниот авион удрил во возилата паркирани на паркингот, кои за среќа биле празни, а само од чиста среќа леталото пропушти станбена зграда пред да падне, соопшти управата на аеродромот.
Авионот по падот се запалил и се претворил во „огнена топка“, јавуваат локалните медиуми.
Дебели облаци од црн чад се гледале од земјата и го исполниле небото.
Причината за несреќата останува нејасна, а Федералната управа за авијација на САД го истражува инцидентот.