Врховниот командант на украинската армија, Валериј Залужни објави видео на кое се гледаат неговите војници како користат хаубица L119 од британско производство за да уништат руска воена опрема.
„Нашите артилериски единици ја искористија британската хаубица L119 за извршување на борбената задача. Тие го уништија непријателскиот СПГ-9 (противтенковски пиштол од советско производство) и неговата муниција, а го оштетија и минофрлачот на непријателот 2Б9 Василек“, пишува Залужни.
Commander-in-Chief Valerii Zaluzhnyi shared a video that shows 🇬🇧L119 howitzers in action
According to him, 🇺🇦 soldiers have destroyed 🇷🇺SPG-9 “Spys” (Soviet automatic anti-tank grenade launcher) & damaged 2B9 “Vasilek” mortar with British howitzers https://t.co/uyV9zBDTIt pic.twitter.com/R3V6gC393D
— Euromaidan Press (@EuromaidanPress) April 1, 2023
Претходно, британскиот министер за одбрана Бен Валас најави испорака на повеќе од дваесет самоодни хаубици М109 од 155 мм и 36 хаубици L119 од 105 мм. Оружјето почна да се користи на крајот на јули и тогаш украинските падобранци првпат известија за неговата разорна моќ.
Објаснија како брзиот оган и мобилноста на оружјето се и негови главни предности.
Падобранците се елитата на украинската армија. Дури и пред Русија да ја нападне Украина во февруари 2022 година, тогашните седум бригади за воздушен напад беа единствените украински бригади кои секогаш беа на готовност.
Околу 1.400 војници од секоја бригада беа обучени и опремени за голема борба и подготвени за итно распоредување.