Синот на американскиот претседател и директор на Организацијата Трамп, Ерик Трамп, денес треба да го посети Катар, каде што ќе потпише договор за изградба на луксузни недвижности во рамките на оваа организација, која ја основа претседателот на Соединетите Американски Држави.
Компаниите за недвижности „Катари Диар“ и „Дар Глобал“ во среда ќе објават договор за изградба на првиот проект за недвижности во Катар со брендот Трамп.
Меѓународното голф игралиште Трамп и вилата Трамп ќе бидат дел од комплексот „Симаизма“, кој се гради на плажа, 40 минути северно од главниот град на Катар, Доха.
Развојниот проект Симаизма вреден 5,5 милијарди долари, предводен од „Катари Диар“, е дизајниран како седумкилометарски мега-забавно-туристички округ центриран на голф игралиште и тематски парк „Земја на легендите“.
„Дар Глобал“, меѓународната подружница на саудискиот инвеститор за недвижности „Дар Ал Аркан“, веќе претстави неколку проекти во партнерство со Организацијата Трамп.
Тука спаѓаат плановите за Трампова кула во Дубаи, кои беа лансирани во вторник и уште две во Џеда и Ријад, Саудиска Арабија, како и проекти за недвижности во Оман.
Во клучен момент за Доха, претседателот Трамп ќе го посети Катар во наредните недели во своето прво големо патување во странство, кое ќе вклучува и посети на Саудиска Арабија и ОАЕ.
Трамп навести дека ќе потпише големи инвестициски договори во сите три земји.