324
Нешто после 12 и 15 часот, нов насилен земјотрес го потресе подрачјето на градот Загреб.
Според информациите објавени од ЕМСЦ, нов земјотрес со јачина од 6,3 ја погоди Хрватска. Епицентарот бил на 47 километри југоисточно од Загреб, или на 3 километри од Петриња.
Првичните информации од хрватските медиуми се дека во епицентралните делови има материјална штета и недостаток на електрична енергија, а на улиците има раздвиженост на противпожарни екипи.
Сеизмолозите проценуваат дека моќта во епицентарот била од VII – IX Меркалиеви степени.
Локалните медиуми пишуваат дека потресот се случил дваесетина минути после 12 часот, а траел околу 6-7 секунди.
Потресот е почувствуван и во Љубљана, Белград и Сараево.