(ВИДЕО) Новата влада има 15 министри

Новата Влада на Македонија ќе има 15 министерски ресорни места. Централниот одбор на СДСМ, вечерва на лидерот и новиот македонски мандатар му даде „зелено“ светло до Собранието да ги предложи следните министри, меѓу нив се:

Радмила Шеќеринска – министер за одбраната

Оливер Спасовски – министер за внатрешни работи

Драган Тевдовски – министер за финансии

Никола Димитров – министер за надворешни

Рената Десковска – министер за образование

Љупчо Николовски – министер за земјоделство

Мила Царовска – министер труд и социјала

Роберт Алаѓозовски – министер за култура

Дамјан Манчевски – министер за информатичко општество и администрација

Горан Сугарев – министер за транспорт и врски

Хазби Лика- вицепремиер задолжен за спроведување на Охридскиот рамковен договор

Бујар Османи – вицепремиер за евроинтеграции

Булен Салиу – министер за правда

Садула Дураку – министер за животна средина и екологија

Крешник Бекташи – министер за економија

Рамиз Мерко – министер без ресор

Кочо Анѓушев е новиот вицепремиер за економски прашања, а Едмонд Адеми, Роберт Поповски, Аднан Ќахил, Самка Ибраимовски, Зоран Шапуриќ и Зорица Апостоловска се предложени за министри без ресор.

Заев нагласи дека во најбрз можен рок до Собранието на Македонија ќе го прати составот на идната Влада.

„Ако се исполнат сите формално-правни  услови, предлогот за нова влада можеме да го поднесеме уште вечерва до Собранието“, рече мандатарот Заев.

На прашање зошто Беса не е во Владата, тој рече дека за некои мали работи СДСМ и Беса едноставно не се договориле, но не прецизираше за кои.

„Тие работи не беа прифатливи за нас, но во иднина можеби и ќе ги надминеме, Беса ќе дава поддршка не за Владата, но за реформите што ќе престојат. Ја повикувам  не само Беса туку и ДПА и ВМРО-ДПМНЕ да дадат поддршка за идните реформи. Називот на новата Влада е реформска Влада на РМ“, рече Заев.

Тој најави дека ќе прати писмо со барање до СЈО за одговор дали за него или за кој било член од неговиот кабинет се води кривична постапка.

„Ако во иднина се покаже не само во СЈО туку и во идното Јавно обвинителство ослободено од партиските стеги, дека ќе се води кривчна постапка за кој било член на владата, тој повеќе нема да биде во кабинетот“, рече Заев.

Заев не ги кажа предлозите за министрите за здравство и за локална самоуправа од Алијанса за Албанците, но потенцираше дека вечерва Алијансата заседава и тие ќе си ги соопштат нивните решенија.