(ВИДЕО) Полициски автомобил од колоната за обезбедување на Столтенберг направи сообраќајка – во „карамболот„ 4 лица повредени

Еден од автомобилите од моторизираната придружба за обезбедување на генералниот секретар на НАТО Јенс Столтенберг учествувал во страшна сообраќајна несреќа во главниот град на Полска Варшава, соопшти полската полиција.

Полициски автомобил, од колоната на Бирото за заштита на владата (БОП), претрпе сообраќајна несреќа, потврди портпаролот на полицијата Силвестер Марчак.

“Полицијата помогаше при обезбедувањето. Никој од владините автомобили не е настрада”, увери портпаролот на БОП Катаржина Ковалевска.
Инаку, како што е познато при инцидентот се повредени четири лица, вклучително и двајца полицајци, како и пешак и возач на друг автомобил.