Минатата година Џејмс Корден најави откажување на шоуто по осум сезони првенствено за да може да се врати во родната Велика Британија за да се посвети на семејството.
Познатиот британски водител Џејмс Корден (44) ја сними последната емисија на The Late Late Show која ја одбележа американската телевизиска сцена. Минатата година Корден најави откажување на шоуто на CBS по осум сезони првенствено за да може да се врати во родната Велика Британија за да биде поблиску до семејството.
На последното снимање, во публиката беа и неговите родители, додека неговите сестри, како што се пошегува самиот Корден, исто така беа во градот, но наместо во студио тие биле во кафуле.
Во последната емисија како гости пристигнаа актерот Вил Ферел и пејачот Хари Стајлс, што симболично го означи крајот на популарното шоу кое низ годините беше домаќин на бројни познати личности. Имено, Ферел и Стајлс го скршија водителското биро на Корден, а видеото веднаш стана хит на интернет.
For one final time, it's #SpillYourGuts with Will Ferrell and @Harry_Styles! pic.twitter.com/xb3Sokl2Dc
— The Late Late Show with James Corden (@latelateshow) April 28, 2023