Во малото американско градче Норт Бонвил, државата Вашингтон, со население од 1 000 луѓе, беше отворена првата државен продавница за марихуана во САД, пренесува Фокс њуз. Уште во првиот ден на отворањето “The Cannabis Corner” продаде дрога за над 8 000 долари.
“Економијата е во застој за сите, особено за малите гратчиња како нашето”, вели за агенцијата градоначалникот Дон Стивенс. “И мислам дека откако луѓето ќе го надминат првичниот шок, ќе сфатат дека така ќе создадеме нови работни места, ќе привлечеме туристи во овие тешки времиња.” Наречен “дрогираниот градоначалник” од своите противници, Стивенс признава дека пушел марихуана уште од времето кога бил средношколец. И откако во 2012 државата ја легализираше марихуаната, заклучил дека треба да се искористи можноста. Продавницата е целосно “државна”, сите приходи одат директно во општината.
Норт Бонвил се наоѓа на бреговите на реката Колумбија, а од другиот брег започнува Орегон, каде марихуаната уште не е легализирана и претставува голем потенцијален пазар за продавницата.