По две години развој, дронот Aquila на Facebook е подготвен за реалниот свет. Компанијата објави видео од првиот лет на дронот, со кој планира да обезбедува безжичен интернет пристап над оддалечените области.
Летот бил извршен на 28-ми јуни годинава и траел 96 минути. Во тоа време тимот направил полни тестови на леталото, вклучувајќи и на системот за автопилот и на аеродинамиката.
Растојанието на крилата е колку на патнички авион, но е со една третина од тежината на телото. Марк Цукерберг исто присуствувал за првиот лет.
Основната цел на Facebook е да се постигне максимално подолго време на летот – барем неколку месеци. Досега авионот, кој се напојува со соларна енергија, не се задржал повеќе од две недели во воздухот.
Првиот лет на Aquila помина успешно. Детектиран е само еден проблем со конструкцијата, кој се покажал пред слетувањето. Самото слетување сепак беше беспрекорно.
Екипата веќе се подготвува и за вториот лет. Тој ќе е уште посложен и подолг, што вклучува и летање ноќе. Целта е да се провери дали сончевите панели ќе обезбедат доволно резервна енергија која е доволна за ноќен лет.
Тестовите дури сега почнуваат. Се планираат да се испробаат и промени во дизајнот на дронот. Сите тестови ќе собираат информации за одговор на основното прашање пред Facebook – дали изградбата на флотилата дронови е подобра и поповолна алтернатива наспроти обезбедување на интернет пристап до оддалечените области преку други фиксни и конвенционални методи. Дури тогаш иднината на Aquila ќе биде јасна.