Познатиот споменик на МиГ-17 лоциран во разурнатиот Бахмут, покрај кој и руската и украинската војска ги испраќаа своите пропагандни пораки, беше разнесен и повеќе не постои.
Имено, на социјалните мрежи се појави видео од една од околните згради околу споменикот на кое се гледа дека споменикот на ловецот МиГ-17 повеќе не постои, дека е разнесен и дека има само остатоци од леталото.
— Pluton (@Pluton45873221) March 10, 2023
Не се знае кој го разнел споменикот.
Но, разнесениот споменик се повеќе зборува за тоа дека борбите допираат длабоко во населеното место, како и дека спомениците веќе не се поштедени, бидејќи во Бахмут од 1 август до денес речиси и да нема цели згради.
Разнесениот споменик секако стана вест на денот, многу поголема од вистинската битка за градот и продорот на единицата Вагнер кон самиот центар.