Членови на семејството, роднини, пријатели и многу граѓани се собраа на последното збогување со Низама Хеќимовиќ, која во петокот во Градачац, Босна и Херцеговина, беше убиена од нејзиниот партнер Нермин Сулејмановиќ.
Стотици ожалостени лица се собраа пред родната куќа на Низама, а поворката заедно со телото потоа се упати кон џамијата во Градачац, каде што беше извршен погребот.
Меѓу собраните на погребот на Низама Хеќимовиќ немаше ниту политичари ниту функционери, што беше желба на членовите на нејзиното семејство.
Građani prenose tijelo ubijene Nizame Hećimović do džamije gdje će se klanjati dženaza pic.twitter.com/bobdtc5Wqu
— Dnevni avaz (@DnevniAvaz) August 14, 2023
Во Сараево, Мостар и Зеница денеска ќе се одржат протести поради тројното убиство во Градачац. Она што граѓаните сакаат да го посочат е проблемот со насилството врз жените во Босна и Херцеговина и неуспесите што доведоа до уште еден фемицид.
Жената која беше ранета во петокот во Градчац е во стабилна состојба додека полицијата и обвинителството ја продолжуваат истрагата за утврдување на сите околности кои довеле до ова злосторство.
Од Клиничкиот центар во Тузла потврдија дека Хариса Ондер, жената која беше застрелана од Нермин Сулејмановиќ, која беше донесена во болница во критична состојба, сега е будна и свесна.
Нејзиниот сопруг и син, Џенгиз и Денис, беа убиени од Сулејмановиќ веднаш откако ја убил Низама, а во исто време ова злосторство го пренесувал во живо на социјалните мрежи.
Министерот за безбедност на БиХ, Ненад Нешиќ, изјави дека е утврдено дека тој пренос го гледале повеќе од 15.000 луѓе.
Сулејмановиќ се самоубил кога полицајците го опколиле.