Најмалку 32 лица загинаа во свлечиште кое зафати неколку села на југоистокот на Кина, по тајфунот Меги.
Спасувачки операции се во тек во селото Сучун во провинцијата Жиѓијанг, јужно од Шангај, откако еден цел рид, ослабен од поројните дождови, се урна над куќи, јавува новинската агенција „Ксинхуа“, додавајќи дека во селото настрадале 26 лица.
Уште шест лица настрадале во селото Баофенг, во истата област, во свлечиште.
Latest | Landslide hits village in East China’s #Zhejiang Province, 27 people feared dead, 20 buildings destroyed.pic.twitter.com/PIxxLX0giP
— War Analysis MENA (@WarAnalysisMENA) September 28, 2016
Свлечиштата настанаа како последица на поројните дождови од тајфунот Меги, кој ја погоди Југоисточна Кина.
Невремето однесе најмалку пет животи во Кина и на Тајван, а затворени се училиштата и канцелариите, додека стотина летови се откажани.