На одлична локација близу центарот на градот ќе се роди нов урбан станбен комплекс кој ќе ја трансформира локацијата на поранешната фабрика Треска и ќе ја претвори во модерна населба која ќе го заживее градскиот дух.
Комплексот е предвиден со ниски станбени згради со високо квалитетна архитектура која ќе остави впечатлив белег во околината, уредено зеленило, модерна урбана опрема, внатрешни меѓу блоковски паркови и спортски игралишта. Додека станбените единици распоредени со блиска катност во модерен дизајн ќе остават впечатлив топол израз на целиот простор.
Внимателно испланираното соодветно сообраќајно решение, плански подземниот паркинг, пешачките патеки и тротоари со модерни канделабри и друга урбана опрема ќе обезбедат непречено пристапување до домовите за новите жители.
Сето ова надополнето со ниско грмушесто и високо стеблесто зеленило ќе го разубави ликот пред самите станбените единици и ќе обезбеди пријатно домување и уживање во секојдневието.
Во внатрешноста на блоковите се предвидува уредено ниско и високо стеблесто декоративно зеленило кое ќе му даде свежина и уникатен лик на просторот, пешачки патеки како и урбана опрема со модерни лед светилки, клупи за одмор и разговори со соседите како и канти за отпадоци вклопени со околните елементи.
Овие внатрешни меѓу блоковски делови на комплексот исто така нудат идеални услови за дружење и релаксација, безбедна игра без сообраќај и катчиња за социјализација на децата и жителите. Комплексот е надополнет и со поголем парк и изградба на предучилиштен образовен објект – градинка која ќе ги задоволи капацитетите на новите жители и блиската околина.
За модерната инфраструктура на комплексот зборува и кратката визуелизација во прилог. Погледнете го видеото од новиот современ простор кој нуди нова свежина и претставува комплетно нова слика од некогашната депонија и урнатини од распаднатите бараки на „Треска“ кои беа жаришта на пожари и дувло на бездомници.