Украинскиот претседател Володимир Зеленски денеска изјави дека го посетил поплавениот јужен регион Херсон и разговарал за ситуацијата по уништувањето на браната Каховка.
Зеленски на Телеграм напиша дека разговарал со властите за евакуација на населението од потенцијалните поплавени подрачја, за санирање на последиците предизвикани од експлозијата на браната, како и за организирање на животот и поддршка на поплавените подрачја, пренесе „Ројтерс“.
Зеленски изјави дека разговарале и за обновувањето на екосистемот во регионот и оперативната воена состојба по катастрофата предизвикана од уривањето на браната Каховка.
❗️President Zelensky is in Kherson
“Our task is to protect life and help people as much as possible. Thanks to the rescuers and volunteers! Thank you to everyone involved in this work!” pic.twitter.com/FiGNKvX59z
— Maria Drutska 🇺🇦 (@maria_drutska) June 8, 2023
Украинскиот претседател објави и видеа од неговата посета на Херсон.
Во посебна објава, придружена и со видео, Зеленски изјави дека го посетил и патниот премин преку кој се евакуира населението.
„Важно е да се пресмета штетата и да се издвојат средства за обештетување на жителите и стопанствениците погодени од катастрофата“, рече Зеленски.