САД и Европа не смеат да ѝ дозволат на Москва да го победи Киев и тука не станува збор за љубов кон Украинците туку затоа што тоа им служи на геополитичките интереси на западните сојузници, изјави високиот претставник на ЕУ за надворешна политика и безбедност, Жозеп Борел, во интервјуто со Кристијан Аманпур за Си-ен-ен.
„Не можеме да ѝ дозволиме на Русија да победи во оваа војна. Во спротивно, интересите на САД и на Европа ќе бидат сериозно загрозени. Не станува збор само за великодушност. Не станува збор за поддршка за Украинците затоа што го сакаме украинскиот народ. Тоа нам ни е од интерес. И во интерес е на САД како глобален играч,“ рече Борел.
Exchanged with @amanpour on the EU support to #Ukraine, the terrorist attack in Moscow, the urgency of a humanitarian pause in #Gaza, and the need for the Europeans to take more responsibility for our defence #EUDefence,
My interview on @cnni.https://t.co/JJZFrUFvYj
— Josep Borrell Fontelles (@JosepBorrellF) March 25, 2024
Одговарајќи на прашањето дали очекува продолжување на поддршката од САД за Украина односно дали Европа ќе биде принудена да ја пополни прзнината во залихите од гранати и оружје, Борел рече дека ЕУ се труди да му испрати што поголема помош на Киев и таа да стаса што поскоро, но и дека Американците сепак ќе одобрат дополнително финансирање.
„САД имаат огромен интерес да ја поддржат Украина. Во спротивно, Русија ќе добие кард блаш. И знаеме што ќе следи потоа. Знаеме што ќе добиеме ако на Русија ѝ дадеме кард бланш. Се сеќавате на Крим, на Сирија?“ прецизираше Борел и додаде дека Западот мора да покаќе цврст став, самодоверба и вистинска волја да ја поддржи Украина.