Последен пат Џенифер Анистон се разголи пред камера во 2006 година, па не е изненадување што фановите едвај чекаа таа да го направи тоа повторно.
Уште откако протекоа снимки од сцените од новата сезона на „The Morning Show“, на кои 54-годишната Џенифер Анистон лежи целосно гола врз нејзиниот две години помлад колега Џон Хем, социјалните мрежи не престануваат да зборуваат за нејзиниот изглед.
Холивудската миленичка уште еднаш покажа дека годините за неа се само бројка, како и дека многу внимава на својот изглед, бидејќи нејзиното тело е затегнато и во топ форма, исто како во ерата кога со обожавање ја следевме во хит серијата „Пријатели“.
so you wake up with jennifer aniston naked on top of you so what pic.twitter.com/SZJSJMOZSk
— anna (@ilyjenanist) October 11, 2023
Овие сцени се од последната епизода од третата сезона, насловена „Студентот на Стенфорд“, а настанаа откако водителот на вести Алекс Леви (Џенифер Анистон) го интервјуираше технолошкиот милијардер Пол Маркс (Џон Хам) во неговата палата во Хемптонс.
Напнатото интервју создаде неверојатна хемија меѓу двајцата, а не им требаше многу време за да завршат заедно во кревет. Многумина забележаа дека Џенифер е исто толку сензационална во овие сцени како и првиот пат кога се разголи во 2006 година, за филмот „Interruption“, во кој глумеше со Винс Вон.
Таа може да се заблагодари на својот изглед дури и во 50-тите години на посветената работа и специјалната диета: „Пијам многу вода, вежбам секој ден, се трудам да јадам целосна, свежа храна и спијам колку што можам повеќе. Последниот дел е предизвик за мене, но е многу важен. Чувствувам кога не се одморам доволно. Со сето тоа, се трудам да внимавам што пуштам во мојот ум“.