На портпаролката на руското Министерство за надворешни работи, Марија Захарова, за време на прес-конференција ѝ било кажано да не зборува за нападот на областа околу Дњепар и користењето на наводна интерконтинентална балистичка ракета.
Невообичаено отстапување од вообичаениот формат на прес-конференциите со новинари се случи кога Захарова доби телефонски повик додека одговараше на прашања на редовен брифинг.
За време на тој повик, се слушнал машки глас кој ѝ рекол да не зборува за „големиот напад врз Украина“, пренесува Си-Ен-Ен.
‼ Russia’s MFA press-alchaché Maria Zakharova received a call from the higher-ups during a briefing, ordering her not to comment on Russia’s strike on Ukraine with an intercontinental ballistic missile.
The conversation can be heard in the microphone. Absolutely brilliant. pic.twitter.com/Iv6kHHaxTK
— Maria Drutska 🇺🇦 (@maria_drutska) November 21, 2024
Портпаролот на Министерството за надворешни работи на Украина, Георгиј Тихи, денеска изјави дека Киев ги чека заклучоците на експертите за типот на проектилот што го погоди Днепар во текот на ноќта, но самиот удар докажува дека Русија прави максимални напори да ја прошири војната.
„Ги очекуваме анализите на експертите за да се утврди точниот тип на новата ракета што Русија утрово ја истрела над Украина, а која ги имаше сите карактеристики на интерконтиненталната балистичка ракета. Самиот удар докажува дека Русија не бара мир. Напротив, прави максимални напори да ја прошири војната“, наведе тој на социјалната мрежа Х.