Обидот на германскиот канцелар Фридрих Мерц да ги убеди лидерите на ЕУ на самитот на Европската унија во Брисел да користат 210 милијарди евра замрзнати руски средства за да ѝ помогнат на Украина не успеа бидејќи неговиот сојузник, францускиот претседател Емануел Макрон, не ја поддржа идејата, а Макрон „ќе мора да плати цена“, изјави денес висок функционер на ЕУ.
„Макрон го предаде Мерц и знае дека ќе мора да плати цена за тоа. Но, тој е толку слаб што немаше друг избор освен да застане на страната на (италијанската премиерка) Џорџија Мелони“, изјавил за „Фајненшл тајмс“ висок дипломат на ЕУ со директно познавање на разговорите на самитот на ЕУ во Брисел во четврток.
Францускиот претседател јавно не се спротивстави на германскиот предлог, но приватно тимот на Макрон изразил резерви во врска со неговата легалност и предупреди дека неговата задолжена земја ќе има тешкотии да издаде национална гаранција ако средствата мора да се вратат на Москва во краток рок.