Фабриката „Вистеон електроник Македонија“, претходно „Џонсон контролс“, си оди од слободната зона Бунарџик, потврдија од компанијата во соопштение до медиумите.
Од „Вистеон електроник“ објаснуваат дека компанијата планира да престране со работа во овие погони до крајот на 2016 година поради „вишок капацитети во европското производство на компанијата“.
Во моментов, во компанијата преговараат со потенцијален купувач за можноста „трета страна да ја преземе сопственоста на фабриката и да понуди вработување на дел од постојната работна сила“.
Според објаснувањето од компанијата, одлуката била донесена независно од какви било субвенции кои фабриката ги добивала пред „Вистеон електроник“ да стане сопственик на „Џонсон контролс“.
Фабриката „Џонсон контролс“ во Македонија се отвори на крајот од 2006 година. Минатата година дел од оваа компанија беше продаден на корпорацијата „Вистеон“.
Според годишната завршна сметка на „Вистеон Електроникс“ фабриката има 321 вработени./МЕТА