Вкупно 39 години затвор досуди Кривичниот суд за инволвираните во тешката сообраќајна несреќа кај Ласкарци, што се случи во 2019 година. Сопственикот на фирмата „Дурмо Турс“, Дурмиш Белули е осуден на казна затвор од 4 години. Одговорниот за транспорт во фирмата, Ремзи Мифтари се осудува на казна затвор од 6 години. Возачот на автобусот на „Дурмо турс“, Маноил Трифуновски е осуден на казна затвор од 14 години.
Вработените во техничкиот центар на истоимената фирма, Игор Ѓорѓиевски, Горан Дуковски и Јане Боварски се осудуваат на казна затвор од по 5 години.
На сите осудени им се засметува и времето поминато во притвор.
Според обвинението, осомничените знаеле дека автобусот има неисправни сопирачки, но сепак, го пуштиле да го помине техничкиот преглед. Првите тројца се товарат за сторени тешки дела против безбедноста на луѓето и имотот во сообраќајот, додека останатите за соучество во истото дело.
Во несреќата кај Ласкарци, што се случи на автопатот Скопје-Тетово на 13 февруари 2019 година, загинаа 16 лица и над 30 беа тешко повредени.