Влада: Земјава не се снабдува со природен гас од гасоводот преку Украина

Република Северна Македонија не се снабдува со природен гас од гасоводот што поминува низ Украина и оттука нема простор за грижа дека ќе има недостиг од овој енергенс, изјави денеска владиниот портпарол Муамет Хоџа по информациите дека Русија испорачува помалку природен гас преку Украина кон Европа.

– Во таа насока сакаме да истакнеме дека количините што се потребни за нашата држава се обезбедени од страна на компаниите кои вршат дистрибуција на гас. Нема простор за грижа, рече Хоџа на денешната прес-конференција во Владата.