Владата денеска ќе ја испрати во Собранието номинацијата на Пенов за нов министер

Владата денеска ќе ја испрати во Собранието номинацијата на Ристо Пенов за нов министер за локална самоуправа. Ова вчера го најави премиерот Димитар Ковачевски на прес-конференцијата во Владата, на која беше најавен новиот пакет за најранливите категории на граѓани и компаниите.

-Среќен сум што Ристо Пенов е предложен, го сметам за еден од најдобрите градоначалници во Македонија. Има успешни проекти. Прво ќе оди оставката па избор на нов министер, претходно изјави Ковачевски.

Пред десетина дена Централниот одбор на ЛДП го предложи поранешниот градоначалник на Скопје за нов министер. Ова доаѓа откако претходниот министер и лидер на ЛДП, Горан Милевски најави заминување од двете функции од лични причини.