Влијанието на „поместувањето на часовникот“ врз нашиот организам

Со поместување на стрелките на часовникот за еден час нанапред се губи еден час сон, а како тоа влијае на луѓето?

од Vladimir Zorba

Летното сметање на времето почна вечерва во два часот – кога стрелките се префрлија на 03 часот. Некои часовници, како оние на вашите мобилни телефони, се поставуваат автоматски.

Поради ова денеска ќе изгубиме еден час сон. Како тоа влијае на луѓето?

Будењето еден час порано од вообичаеното може да го наруши нашиот деноноќен ритам или природниот 24-часовен часовник на телото и да направи да се чувствуваме поспани и дезориентирани, што пак може да доведе до други здравствени последици.

Можеби не спиете добро

Ноќта од сабота кон недела треба да си легнуваме еден час порано, за да ја намалиме можноста за лош сон. Во една студија објавена во списанието Sleep Science and Practice, речиси 14 отсто од луѓето рекле дека спиеле полошо во две недели по почнувањето на летното сметање на времето.

Како резултат на тоа, може да бидете помалку внимателни, побавни да реагирате и генерално да се чувствувате поспано.

Сите ние се потпираме на дневната и ноќната светлина за да им сигнализираат на нашите тела кога е време за будење и спиење, па дури и суптилните промени може да го нарушат деноноќниот ритам што управува со нашиот одмор.

Возењето станува поопасно

Студијата од јануари 2020 година во Current Biology покажа дека сообраќајните несреќи со фатални последици се зголемиле за шест проценти во текот на првата „летна недела“, а заморот најмногу се наведува како причина за несреќите.

„Нашата студија обезбедува дополнителни, ригорозни докази дека префрлањето на летно сметање на времето во пролетта доведува до негативни влијанија врз здравјето и безбедноста. „Овие ефекти врз смртните случаи во сообраќајот се реални, а смртните случаи може да се спречат“, вели авторката на студијата Селин Ветер.

Повредите на работа се почести

Студијата од 2009 година објавена во Journal of Applied Psychology покажа дека губењето на само еден час може да биде опасно ако работите на работа со физички напор.

Способноста за контрола и донесување одлуки се намалува, бидејќи недостатокот на сон влијае на префронталниот кортекс на мозокот.

Авторот на студијата, Барнс, истражувал половина милион повреди меѓу рударите во период од пет години и дошол до заклучок дека во понеделник, ден по почнувањето на летното сметање на времето, повредите при работа се зголемуваат за повеќе од пет проценти и се потешки од во други денови.

Слични содржини