Парите од царини, даноци и патарини со СДС и ДУИ, наместо во буџетот завршувале во приватни џебови, тврдат од владеачката партија ВМРО-ДПМНЕ.
„Рекордна наплата на царини, даноци и патарини е реализирана во месец јули, откако ВМРО-ДПМНЕ ја презеде владата и постави свои кадри на директорските позиции на овие управи и претпријатија.
И Царина и УЈП имаат рекордно собрани приходи од над 25.4 милијарди денари, а ЈП за државни патишта има над 16 милиони денари поголема реализација во јули оваа година во споредба со лани“, наведено е во партиското соопштение.
Според ВМРО, очигледно е дека пари има, а разликата е што со СДС и ДУИ тие биле крадени, а сега наместо во приватни џебови завршуваат во буџетот.
„Наскоро од денес граѓаните ќе ја видат разликата преку поголеми пензии, нови училишта, градинки, болници. А криминалците од СДС и ДУИ ќе одговараат за ограбената држава“, ветуваат од ВМРО.