„Власта излегува со контрадикторни ставови во однос на разговорите со Бугарија. Едно говори министерот за евроинтеграции Маричиќ, друго кажува министерот за надворешни работи Османи“, реагираат од ВМРО-ДПМНЕ.
„По однос на односите со Бугарија едниот вели дека „Не би сакале да дискутираме и да се врзуваме со рокови“, другиот вели „Сите прашања, да бидат меѓусебно поврзани во еден роковник, во рамки на еден договорен пакет“.
Дипломатијата и дома и надвор остава впечаток дека функционира како раштиман оркестар, без стратегија и план, па не е ни чудо што сме на вакво дереџе.
Се поставуваат прашањата:
Има или нема рокови за решавање на прашањата со Бугарија?
Има или нема координација и стратегија на двајцата повикани министри?
Или пак ова е обид преку какофонија да се замајува јавноста, додека зад завесата се подготвува нова распродажба на националните интереси?“, прашуваат од Белата палата.